FastAPI yoki Django REST Framework: qaysi birini tanlash

Python'da REST API qurmoqchi bo‘lsangiz, birinchi qaror — framework tanlash. Eng ko‘p uchraydigan ikki nomzod: FastAPI va Django REST Framework (DRF). Ikkalasi ham yaxshi, lekin turli loyihalarga mos.

Django REST Framework#

DRF — Django ekotizimining bir qismi. Agar loyihangizda ma'lumotlar bazasi, admin panel, autentifikatsiya va boshqa "batareyalar" kerak bo‘lsa, DRF tabiiy tanlov.

from rest_framework import serializers, viewsets

class PostSerializer(serializers.ModelSerializer):
    class Meta:
        model = Post
        fields = ["id", "title", "body"]

class PostViewSet(viewsets.ModelViewSet):
    queryset = Post.objects.all()
    serializer_class = PostSerializer

Kuchli tomonlari: Django ORM bilan chuqur integratsiya, tayyor admin, autentifikatsiya, ruxsatlar tizimi, katta ekotizim.

FastAPI#

FastAPI — yengil, async, type-hint'larga asoslangan. Pydantic bilan avtomatik validatsiya va OpenAPI hujjatlari qutidan chiqadi.

from fastapi import FastAPI
from pydantic import BaseModel

app = FastAPI()

class Post(BaseModel):
    title: str
    body: str

@app.post("/posts/")
async def create_post(post: Post):
    return {"ok": True, "title": post.title}

Kuchli tomonlari: yuqori tezlik (async), avtomatik hujjatlar, kam kod, mikroservislar uchun ideal.

Qaysi birini tanlash#

Amalda ko‘p loyihalar ikkalasidan foydalanadi: asosiy monolit DRF'da, alohida yuqori-yuklama servislari FastAPI'da. Bu sayt ham xuddi shunday yondashuvni tanlagan.